Gonzaga, Army hahabol sa semis

Mga laro ngayon: (FilOil Flying V Arena)

11:30am — Black Mamba vs Creamline

2:30pm — Cignal vs PLDT

5:30pm — Petro Gazz vs Choco Mucho

PANIGURADONG gagawin lahat ni Jovelyn Gonzaga at ng Army-Black Mamba Lady Troopers kontra powerhouse Creamline Cool Smashers na nagnanais masungkit ang isang silya sa semifinals sa 2022 Premier Volleyball League (PVL) Invitational Conference sa FilOil Flying V-Arena sa San Juan City, Sabado.

Matapos bitbitin ang Lady Troopers sa panalo laban sa talsik nang Chery Tiggo Crossovers nitong Martes nang magpasiklab ito sa opensa at depensa sa kabuuang 15 puntos mula sa 12 atake at 3 blocks, tatangkain ng 31st Southeast Asian Games beach volleyball bronze medalist na makasilat sa grupo ni Alyssa Valdez sa unang laro ng triple game sa alas-11:30 ng umaga.

Winalis ng Lady Troopers ang Chery Tiggo sa tatlong set 25-20, 25-23, 25-22 sa pagbabalik ni coach Emilio “Kung Fu” Reyes Jr. na hindi nasilayan ng dalawang laro sa kopooan, ngunit patuloy na hinihintay ang pagbabalik ni Michelle Morente at Honey Rose Tubino.

Subalit magiging posible lahat ng plano ng koponan kung patuloy na magbibigay ng magandang mga pasa ang playmaker na si Ivy Perez na rumehistro ng 18 excellent sets, kaantabay ang 6 na puntos.

Pormal namang pumasok sa semifinals ang Cool Smashers nang padapain ang palabang Chery Tiggo nitong Huwebes 25-14, 25-20, 21-25, 28-26.

Nagbida sina Jema Galanza (23 points/7 receptions), 2022 Open Conference MVP Tots Carlos (20 points/14 digs) at team captain na si Valdez (16 points/13 digs) para sa Creamline. (Gerard Arce)

The post Gonzaga, Army hahabol sa semis first appeared on Abante.

from Abante https://ift.tt/RguG3bM
via IFTTT

Comments

Post a Comment

Popular posts from this blog

Shastaloo kakaripas sa Challenge Race

Image
KABILANG si Shastaloo sa anim na kabayong susubok tumakbo sa pinakamahabang distansiya sa history ng karera na gaganapin sa San Lazaro Leisure Park sa Carmona, Cavite. Pakakawalan ngayong araw ang Imported/Local Challenge Race na may habang 2,400 metro kung saan ang nasabing event ay pagpupugay kay Henry Cojuangco. Makakatagisan ng bilis ni Shastaloo na rerendahan ni star jockey Jeffril Zarate sina Time For Glory, magkakamping American Factor at Tony’s Love at magka-kuwadrang Starinmydreams at Downsideprotection. May P1M guaranteed prize ang ikakalat sa unang apat na kabayong tatawid sa meta, puntirya ng kuwadra ng anak nina Algorithms at Water Park na si Shastaloo na masilo ang P600,000 permyo. Maliban sa nabanggit na stakes race, ang ibang tampok na karera na inihain ng Manila Jockey Club Inc. (MJCI) ay ang 2022 Philracom Lakambini Stakes Race at Road To Juvenile Stakes Race. Suportado ng Philippine Racing Commission (Philracom) sa pamumuno ni chairman Reli De Leon ang 13 karera...
Read more

PBBM level: Andrew E. 1 batalyon bodyguard sa Canada

Image
Maihahalintulad na rin si Andrew E. kay President Bongbong Marcos, at Vice-President Sara Duterte, at puwedeng-puwer rin lalo na kay Pambansang Kamao Manny Pacquiao. Ang dating ngayon ni Andrew ay parang Hollywood A-list star, na sa tuwing dadalo sa mga event ay pinagkakaguluhan talaga. Sa ginawang show ni Andrew sa isang close venue sa Calgary, Canada, makikitang hindi lang dalawa ang entourage niya, kundi isang batalyon. Masisilip sa video post sa Instagram ang paghahanda ni Andrew para sa pagpasok sa venue. Nang maipakilala na siya ng host, pagpasok sa backstage ay isa-isang sumunod ang entourage niya na nakasuot ng white t-shirts uniform. At ang iba ay naka-jacket na may Philippine flag design. Parang nakita namin ang eksenang ito ni Andrew kina PBBM, VP Sara, at Pacman, na palaging napapaligiran ng mga bodyguard. Well, super sikat na nga ulit si Andrew ngayon, mula nang mag-viral ang mga performance niya sa kampanya ni PBBM noon. Mahirap na nga namang dumugin siya, lalo na s...
Read more