So tinumba Russian GM

NAGKAMPEON si Super Grandmaster Wesley So sa week 25 ng 2022 Rapid Chess Championship matapos nitong talunin si Russian GM Ian Nepomniachtchi sa finals na umabot sa Armageddon playoff.

Dumaan sa butas ng karayom si Cavite-born So bago nasilo ang pangalawang korona sa Rapid Chess Championship.

Lamang si 28-year-old So sa unang playoff na may time control na 10 minutes plus 2 seconds increment subalit nakatabla si Nepomniachtchi.

Nagkaroon ng tiebreak na blitz game na may oras na three minutes plus two seconds increment, lamang ulit si former Philippine Chess team star player So pero nakahirit muli ng draw si Nepomniachtchi.

Umiksi ang oras sa sumunod na tiebreak game, ang bullet na may one minute plus one second at muli naghati ng puntos ang dalawang woodpusher.

Nasagad sa huling match sina So at Nepomniachtchi, ang Armageddon, pinili ng Russian chess player ang itim na piyesa na may oras na apat na minuto.

Puting piyesa ang hawak ni So at may oras siyang limang minuto, pero kailangan manalo ni So para masilo ang korona dahil kung mauuwi ulit sa draw ay si Nepomniachtchi ang hihiranging kampeon.

Dito lumabas ang tikas ni So, umiwas sa linyang draw ng kanilang Petroff game para makuha ang importnteng panalo. (Elech Dawa)

The post So tinumba Russian GM first appeared on Abante.

from Abante https://ift.tt/mHT0ESd
via IFTTT