Racasa, iba pa tutulak ng piyesa

NAKATAKDANG tumulak ng piyesa ang mga batang pambato ng Pilipinas na sina Antonelle Berte Racasa, Mhagie Gerriahlou Sebastian at Ruelle Canino sa National Age-Group Chess Championships Grand Finals na lalaruin sa Robinson’s Place-Malolos.

Masisilayan si Sebastian sa premier girls under-18 division, aarangkada si Canino sa U14 habang nakatoka si Racasa sa U16 kung saan punong-abala sa nasabing event si Malolos Mayor Christian “Agila” Natividad.

Nakataya sa six-day event ang slots sa ASEAN Youth Championship sa Bangkok, Thailand sa taong ito.

“The future of Philippine chess could be coming from this batch, that’s why we keep conducting tournaments like this so we could produce future Grandmasters and national team players,” saad ni National Chess Federation of the Philippines chief executive officer GM Jayson Gonzales.

Markado si Far Eastern University standout Sebastian matapos sikwatin ang korona sa national junior girls championship na ginanap sa PACE sa Quezon City.

Ang mga kasali ay binubuo ng top 12 finishers na nag-qualify via online regional elimination at semifinal rounds sa boys at girls U12, U14, U16 at U18 categories.

Kasali rin sa event na suportado ng Philippine Sports Commission, Malolos City, Philippine Olympic Committee at ni NCFP President at Chairman Butch Pichay sina Ivan Travis Cu, OJ Reyes, Christian Gian Karlo Arca, Lexie Grace Hernandez, Jerome Angelo Aragones, Rinoa Mariel Sadey at Kaye Lalaine Regidor. (Elech Dawa)

The post Racasa, iba pa tutulak ng piyesa first appeared on Abante.

from Abante https://ift.tt/GsdhwSq
via IFTTT

Comments

Post a Comment

Popular posts from this blog

Shastaloo kakaripas sa Challenge Race

Image
KABILANG si Shastaloo sa anim na kabayong susubok tumakbo sa pinakamahabang distansiya sa history ng karera na gaganapin sa San Lazaro Leisure Park sa Carmona, Cavite. Pakakawalan ngayong araw ang Imported/Local Challenge Race na may habang 2,400 metro kung saan ang nasabing event ay pagpupugay kay Henry Cojuangco. Makakatagisan ng bilis ni Shastaloo na rerendahan ni star jockey Jeffril Zarate sina Time For Glory, magkakamping American Factor at Tony’s Love at magka-kuwadrang Starinmydreams at Downsideprotection. May P1M guaranteed prize ang ikakalat sa unang apat na kabayong tatawid sa meta, puntirya ng kuwadra ng anak nina Algorithms at Water Park na si Shastaloo na masilo ang P600,000 permyo. Maliban sa nabanggit na stakes race, ang ibang tampok na karera na inihain ng Manila Jockey Club Inc. (MJCI) ay ang 2022 Philracom Lakambini Stakes Race at Road To Juvenile Stakes Race. Suportado ng Philippine Racing Commission (Philracom) sa pamumuno ni chairman Reli De Leon ang 13 karera...
Read more

PBBM level: Andrew E. 1 batalyon bodyguard sa Canada

Image
Maihahalintulad na rin si Andrew E. kay President Bongbong Marcos, at Vice-President Sara Duterte, at puwedeng-puwer rin lalo na kay Pambansang Kamao Manny Pacquiao. Ang dating ngayon ni Andrew ay parang Hollywood A-list star, na sa tuwing dadalo sa mga event ay pinagkakaguluhan talaga. Sa ginawang show ni Andrew sa isang close venue sa Calgary, Canada, makikitang hindi lang dalawa ang entourage niya, kundi isang batalyon. Masisilip sa video post sa Instagram ang paghahanda ni Andrew para sa pagpasok sa venue. Nang maipakilala na siya ng host, pagpasok sa backstage ay isa-isang sumunod ang entourage niya na nakasuot ng white t-shirts uniform. At ang iba ay naka-jacket na may Philippine flag design. Parang nakita namin ang eksenang ito ni Andrew kina PBBM, VP Sara, at Pacman, na palaging napapaligiran ng mga bodyguard. Well, super sikat na nga ulit si Andrew ngayon, mula nang mag-viral ang mga performance niya sa kampanya ni PBBM noon. Mahirap na nga namang dumugin siya, lalo na s...
Read more