Binata swak sa kulungan; minura, binato anak ng policewoman

Bumagsak sa kulungan ang isang binata matapos nitong murahin at batuhin ang binatilyong anak ng retiradong policewoman sa Navotas City, kahapon ng umaga.

Kinasuhan ng paglabag sa Republic Act 7610 o Child Abuse Law ang suspek na si Angelito Vega, 40-anyos, pedicab driver at residente ng No. 3751 L, Santos St., Brgy. Tangos ng nasabing siyudad.

Ayon sa retired policewoman na si Adelina Cabauatan, 56, hindi niya palalagpasin ang ginawa ng suspek dahil nagdulot ito ng trauma sa kanyang 16-anyos na anak.

Sa ulat, papunta ang biktima sa bahay ng kanyang kapatid na malapit sa tirahan ni Vega nang bigla siya nitong sinigawan at minura bandang alas-9:20 ng umaga. Kahit nakaramdam ng takot ay hindi umano ito pinansin ng binatilyo hanggang makapasok siya sa bahay ng kanyang kuya. Maya-maya lang ay pinagbabato na ng suspek ang pinto at bubong ng bahay habang sumisigaw at nagbabanta ito ng “P….. ina nyo. Papatayin ko kayo!”

Itinawag ito ng magkapatid sa kanilang ina na agad na dumulog sa Sub-Station 2 (SS-2) at ipina-aresto ang suspek. Nabatid na matagal ng may galit ang suspek sa pamilya ng retiradong pulis. (Orly Barcala)

The post Binata swak sa kulungan; minura, binato anak ng policewoman first appeared on Abante.

from Abante https://ift.tt/pIrdTMy
via IFTTT

Comments

Post a Comment

Popular posts from this blog

Shastaloo kakaripas sa Challenge Race

Image
KABILANG si Shastaloo sa anim na kabayong susubok tumakbo sa pinakamahabang distansiya sa history ng karera na gaganapin sa San Lazaro Leisure Park sa Carmona, Cavite. Pakakawalan ngayong araw ang Imported/Local Challenge Race na may habang 2,400 metro kung saan ang nasabing event ay pagpupugay kay Henry Cojuangco. Makakatagisan ng bilis ni Shastaloo na rerendahan ni star jockey Jeffril Zarate sina Time For Glory, magkakamping American Factor at Tony’s Love at magka-kuwadrang Starinmydreams at Downsideprotection. May P1M guaranteed prize ang ikakalat sa unang apat na kabayong tatawid sa meta, puntirya ng kuwadra ng anak nina Algorithms at Water Park na si Shastaloo na masilo ang P600,000 permyo. Maliban sa nabanggit na stakes race, ang ibang tampok na karera na inihain ng Manila Jockey Club Inc. (MJCI) ay ang 2022 Philracom Lakambini Stakes Race at Road To Juvenile Stakes Race. Suportado ng Philippine Racing Commission (Philracom) sa pamumuno ni chairman Reli De Leon ang 13 karera...
Read more

PBBM level: Andrew E. 1 batalyon bodyguard sa Canada

Image
Maihahalintulad na rin si Andrew E. kay President Bongbong Marcos, at Vice-President Sara Duterte, at puwedeng-puwer rin lalo na kay Pambansang Kamao Manny Pacquiao. Ang dating ngayon ni Andrew ay parang Hollywood A-list star, na sa tuwing dadalo sa mga event ay pinagkakaguluhan talaga. Sa ginawang show ni Andrew sa isang close venue sa Calgary, Canada, makikitang hindi lang dalawa ang entourage niya, kundi isang batalyon. Masisilip sa video post sa Instagram ang paghahanda ni Andrew para sa pagpasok sa venue. Nang maipakilala na siya ng host, pagpasok sa backstage ay isa-isang sumunod ang entourage niya na nakasuot ng white t-shirts uniform. At ang iba ay naka-jacket na may Philippine flag design. Parang nakita namin ang eksenang ito ni Andrew kina PBBM, VP Sara, at Pacman, na palaging napapaligiran ng mga bodyguard. Well, super sikat na nga ulit si Andrew ngayon, mula nang mag-viral ang mga performance niya sa kampanya ni PBBM noon. Mahirap na nga namang dumugin siya, lalo na s...
Read more